اسلام آباد۔24مارچ(اے پی پی) روشن ڈیجیٹل اکائونٹس دے ذریعے سمندر پارپاکستانیاں دی ترسیلات زر دا حجم 5.8 ارب ڈالر تئیں پڄ ڳئے ، انہاں اکائونٹس دے ذریعے سمندر پار پاکستانیاں ہݨ تئیں مجموعی طور تے 3.7 ارب ڈالر دی سرمایہ کاری کیتی اے ۔ سٹیٹ بینک دی طرفوں ایں حوالے نال جاری کیتے ڳئے اعدادوشمار موجب ستمبر 2020 دے بعد توں گھن تے ہݨ تئیں سمندر پار پاکستانیاں روشن ڈیجیٹل اکائونٹس دے ذریعے مجموعی طور تے 5.811 ارب ڈالر دا زرمبادلہ ملک اچ بھیڄے ۔ فروری 2023 اچ انہاں اکائونٹس دے ذریعے سمندر پار پاکستانیاں 125 ملین ڈالر دا زرمبادلہ ملک بھیجے جیڑھا جو جنوری اچ 110 ملین ڈالر تے گزریل سال فروری اچ 250 ملین ڈالر ہئی ۔
