اسلام آباد۔24مارچ (اے پی پی) وزیر دفاع خواجہ محمد آصف آکھیا جو حکومت آئینی مدت پوری کریسی، ترقی تے خوشحالی اتے قومی فائدے اچ جامع مذاکرات کیتے تیار ہن۔ عمران خان امریکہ تے حکومت ڈہاوݨ دا الزام لاتے اتے ہݨ انہاں توں مدد منڳدا پے، دنیا اچ کتھائیں وی ہک ملزم عدالت اچ پیش تھیوݨ توں انکار نی کریندا اتے کجھ ہفتیاں توں عمران خان عدالتاں اچ پیش تھیوݨ توں انکاری اے۔ سیاست داناں پروقار انداز اچ سیاست کیتی۔ او جمعے کوں وفاقی وزیر اطلاعات تے نشریات مریم اورنگزیب دے رلے غیرملکی میڈیا کوں سیاسی صورتحال تے بریفنگ ݙیندےپے ہن۔ وزیر دفاع خواجہ محمد آصف آکھیا جو اساݙی حکومت ہک سال پورے کرݨ ویندی پی اے اتے اے حکومت ہک آئینی اقدام دے تحت آئی ہئی اتے ایں کم کوں روکݨ کیتے عمران خان اوں ویلھے حکومت مختلف غیر آئینی طریقے اپنائے۔ عمران خان دے انہاں غیر آئینی کماں اچ صدرمملکت اتے قومی اسمبلی دے ڈپٹی سپیکر شامل ہن۔ رات ڳے اسمبلی دی تحلیل دا فیصلہ سپریم کورٹ ختم کر تے چیزاں ٹھیک کیتی اتے اڄ اساݙی حکومت اے۔ انہاں آکھیا جو عمران خان دے خلاف تحریک عدم اعتمادآئینی طریقے نال آئی۔ عمران خان تحریک عدم اعتماد دے بعد غیر قانونی اقدامات کیتے۔ سپریم کورٹ مداخلت کر تے آئین کوں بچایا۔ انہاں آکھیا جو عمران خان دے دور اچ مسلم لیگ(ن) دی تقریباً پوری قیادت گرفتار تھئی، اساݙے قائد نواز شریف گرفتاری ݙتی اتے سرنڈر کرݨ کیتے برطانیہ توں دھی نال واپسی آئے۔ اڄوکے وزیراعظم ، انہاں دے پتر اتے بھتریجے گرفتار تھیے پر کوئی مزاحمت نی تھئی۔ میکوں گرفتار کیتا ڳیا اتے تقریباً چھی مہینے جیل اچ رہیا۔ میݙی ذال تقریباً ترائے سال تئیں عدالتاں اچ پیش تھیندی رہی۔
