لاہور۔25مارچ(اے پی پی) گورنر پنجاب محمد بلیغ الرحمن نال ہفتے کوں اتھاں گورنر ہائوس لاہور اچ سرائیکی زبان دے ممتاز شاعر شاکر شجاع آبادی ملاقات کیتی۔ گورنر پنجاب شاکر شجاع آبادی کوں 23 مارچ کوں ستارہ امتیاز ملݨ تے مبارخ ݙتی ۔ ملاقات اچ شاکر شجاع آ بادی گورنر پنجاب کوں آپݨا نواں کلام وی سݨایا ۔ایں موقع تے ڳالھ مہاڑ کریندے ہوئیں گورنر پنجاب آکھیے تساں ساݙا فخر تے ملک دا قیمتی اثاثہ ہیوے ،آپ جیویں آپݨی شاعری دے ذریعے پسے ہوئے طبقے دے مسئلے بیان کیتن او قابل تحسین ہن ،آپ سرائیکی وسیب دا فخر ہیوے۔ شاکر شجاع آبادی آکھیے انہاں پنج زباناں اچ شاعری کیتی اے جنہاں اچ اردو، پنجابی ،سرائیکی ،میواتی اتے ہریانوی زباناں شامل ہن ، انہاں دی مشہور شاعری مجموعے اچ پیلے پتر ،لہو دا عرق” اتے کلیات شاکر شامل ہن۔ انہاں آکھیے آپݨی شاعری اچ ہمیشہ انسانیت اتے محبت دی ڳالھ کیتی اے ایں موقع تے شاکر شجاع آبادی اپݨے شاعری مجموعے دے کاپی رائٹس حقوق دی خلاف ورزی بارے وی ݙسایا جیں تے گورنر پنجاب انہاں دے مسئلے کوں حل کرݨ دے تعاون دا یقین ݙیوائے۔
