اسلام آباد۔25مارچ(اے پی پی) وفاقی وزیراطلاعات و نشریات مریم اورنگزیب آکھیے عمران خان مینارِ پاکستان اچ فارن فنڈنگ، توشہ خانہ چوری اتے ٹیریان کوں اپناوݨ تے وی روشنی پاون ، قوم کوݨ ݙساون جو چار سال مہانگ ، بے روزگاری اتے تباہی دی دلدل اچ پاکستان کوں کیویں پھسایا تے ملک کوں کیویں لٹیا ، فتنے فسادی دہشت گرد توں قوم کوں حقیقی آزادی ݙیواوݨ دا ویلھا آڳئے ۔ ہفتے کوں عمران خان دے ٹویٹ تے ردعمل ݙیندے ہوئیں آپݨے ٹویٹس اچ وفاقی وزیر اطلاعات آکھیے جیں ملک کوں تباہی تے ونڈ دی دلدل اچ خود پاتا ہووے او کڈھ نی سڳدا بلکہ او صرف فراڈیا تے دہشت گرد ہی تھی سڳدے ، انہاں آکھیے آپ دی حقیقی آزادی جانور، نیوٹرل ، جنرل باجوہ دی تاحیات ایکسٹینشن توں گھن تے شہباز شریف توں تھیندی ہوئی محسن نقوی اتے امریکا توں معافیاں تئیں پڄی جیڑھا جو اڄ حقیقی طور تے دفن تھی چکی اے جیں دا جنازہ اڄ رات مینارِ پاکستان اچ پڑھیا ویسی ۔ مریم اورنگزیب آکھیے فتنے فسادی دہشت گرد توں قوم کوں حقیقی آزادی ݙیواوݨ دا ویلھا آڳئے۔
