لاہور۔27مارچ (اے پی پی) وفاقی وزیر ریلویز تے ہوا بازی خواجہ سعد رفیق آکھیا جو گرین لائنز دی ݙو نویں ٹریناں شروع کریندے پیوں، ایجھا پلان ݙیسوں جو پنج سالیں اچ اٹھ بلین ریونیو اشتہارات توں کمایا ونڄ سڳسی، پشاور توں کراچی تئیں نویں کارگو سروس شروع کرݨ دا ارادہ اے۔ریلوے سٹیشناں تے 2600 دکانداراں دی نیلامی دا مرحلہ شروع تھی ڳے۔ ناجائز قبضہ کرݨ آلیاں کوں ڄاہ چھوڑݨی پوسی یا رقم ݙیوݨی پوسی۔ ریلوے سٹیشناں تے 2600 دکانداراں دی نیلامی دا مرحلہ شروع تھی ڳے۔ او سنوار کوں ریلوے ہیڈ کوآرٹر لاہور اچ پریس کانفرنس توں خطاب کریندے پے ہن۔ ایں موقع تے ریلوے دے ٻے افسر وی موجود ہن۔ خواجہ سعد رفیق آکھیا جو پاکستان ریلوے مال بردار ڳاݙیاں دے کرایے ڳھٹ کرݨ دا فیصلہ کیتے ، ریلوے سٹیشنز اتے دفتراں کوں سولر انرجی تے کرݨ دا منصوبہ ٻݨائے۔ پاکستان ریلوے سو ݙینھ دا ہک پلان ٻݨائے۔ ریلوے کوں بہتر کرݨے پر اساں ݙے پیسے کائنی اینکوں ہولے ہولے بہتر کریسوں۔ عید تے خصوصی ٹریناں عوام اتے شالیمار ایکسپریس چلیسوں۔ مسافراں دی سہولت کیتے پلیٹ فارم تے ہر ڳاݙی رکݨ دا ویلھا چار توں پنڄ منٹ کر فتے۔ بندرگاہ تے کم نی تھیندا پیا جئیں نال ریلوے دا نقصان تھیندا پے۔ تنخواہیں دے نال اساکوں پنشن وی ݙیوݨی پوندی اے۔ اگر ریلوے ملازمین دی پنشن دا ٻوڄھ ختم کر ݙتا ونڄے تاں ریلوے دا خسارہ ڳھٹ تھی ویسی۔ لاہور اتے رائیونڈ ریلوے سٹیشنز وچال گرین لائن ریل کار دی بڈنگ کیتے اشتہار ݙیسوں جئیں نال ریونیو بہتر تھیسی اگر پلان کامیاب تھیا تاں پورے ملک اچ اے پلان ٻݨیسوں۔ انہاں آکھیا جو ایجھا پلان ٻݨٰسوں جو پنج سالیں اچ اٹھ بلین ریونیو اشتہاراں توں کمایا ونڄے۔ پشاور توں کراچی تئیں نویں کارگو سروس شروع کرݨ دا ارادہ اے۔ریلوے سٹیشناں تے 2600 دکانداراں دی نیلامی دا مرحلہ شروع تھی ڳے۔ ناجائز قبضہ کرݨ آلیاں کوں ڄاہ چھوڑݨی پوسی یا رقم ݙیوݨی پوسی۔خواجہ سعد رفیق آکھیا جو پی آئی اے دے جہازاں دی تزئین و آرائش کریندے پیوں۔ کراچی، لاہور اتے اسلام آباد دے ایئرپورٹس کائنی وچیندے پے صرف مقررہ ویلھے کیتے آپریشنل نظام نجی کمپنیاں کوں ݙیسوں۔ ترائے ایئرپورٹس تے کم جاری اے تانجو آئی ایف سی اتے اساݙا لیگل معاہدہ تھی ونڄے۔
