وزیراعظم شہباز شریف نال بیرک ریکو ڈیک مائننگ کمپنی دے وفد دی ملاقات

اسلام آباد۔27مارچ(اے پی پی)وزیراعظم محمد شہباز شریف آکھیے جو پاکستان اچ کان کنی، انفارمیشن ٹیکنالوجی، توانائی، مواصلات اتے انفراسٹرکچر دے شعباں اچ سرمایہ کاری دے ودھ مواقع ہین، ریکوڈک منصوبہ بلوچستان کیتے گیم چینجر ثابت تھیسی اتے ایندے نال علاقہ اچ خوشحالی آسی، حکومت ملک اچ سرمایہ کاراں کوں ہر ممکن سہولیات ݙیندی پئی اے، پاکستان دے کئی علاقے خصوصاً بلوچستان معدنیات نال رڄھیے ہوئن، انہاں قدرتی وسائل توں ودھ فیدہ چاوݨ کیتے حکومت ترجیحی کم کریندی پئی اے، ریکو ڈیک منصوبے بارے حالیہ معاہدہ ݙوہیں فریقین کیتے فیدہ ݙیسی۔ اے ڳالھ وزیراعظم شہبازشریف بیرک ریکو ڈیک مائننگ کمپنی دے وفد نال الیندے آکھی جیندی اڳواݨی چیف ایگزیکٹو آفیسر مارک برسٹوو کریندے پئے ہن۔