اسلام آباد۔28مارچ (اے پی پی) پاکستان 29 اتے 30 مارچ کوں جمہوریت بارے ݙوجھی سربراہی کانفرنس اچ شرکت دی دعوت تے امریکا اتے ٻے میزبان ملکاں دا شکریہ ادا کریندیں ہوئیں اکھیا جو ہک متحرک جمہوریت دے طور پاکستان دی عوام جمہوری اقدار نال ڳھاٹی وابستگی رکھیندن۔ دفتر خارجہ دی ترجمان ولوں منگل کوں جاری بیان اچ میڈیا دے سوالاں دا جواب ݙیندیں ہوئیں آکھیا ڳیا جو پاکستانیاں دی نسلاں وقتاً فوقتاً جمہوریت، انسانی حقوق اتے بنیادی آزادیاں بارے اپݨے اعتماد کوں برقرار رکھیے۔ رواںماہ قوم 1973 دے آئین دی 50 ویں سالگنڈھ منیندی پی اے جیڑھی پاکستان اچ جمہوری سیاست دا سرچشمہ اے۔ ترجمان آکھیا جو امریکا نال اپݨی دوستی دی قدر کریندوں، بائیڈن انتظامیہ نال اساݙے آپسی تعلقات کافی حد تئیں ودھین۔ اساں خطے اچ امن، استحکام اتے خوشحالی کیتے انہاں تعلقات کوں ٻیا مستحکم کرݨ کیتے پرعزم ہیسے۔
