اسلام آباد۔28مارچ (اے پی پی) صدر مملکت دا پاک فوج دے شہید اہلکاراں حوالدار اظہر اقبال اتے نائیک محمد اسد کوں خراج عقیدت ، لواحقین کوں سلام پیش کیتا۔ منگل کوں ایوان صدر دے پریس ونگ توں جاری بیان موجب صدرمملکت پاک فوج دے شہید اہلکاراں دے لواحقین نال ٹیلی فون تے تعزیت کیتی اتے شہیداں دے ٹبراں کوں اپݨے پیاریاں دی قربانی ݙیوݨ تے سلام پیش کیتا۔ صدرمملکت حوالدار اظہر اقبال دے ابے اتے نائیک محمد اسد دے بھرا نال ٹیلی فون تے رابطہ کیتا۔ حوالدار اظہر اقبال اتے نائیک محمد اسد 20 مارچ کوں ڈیرہ اسماعیل خان اچ حملے اچ شہید تھیے ہن۔ انہاں شہیداں کوں وطن کیتے جان دا نذرانہ ݙیوݨ تے خراج عقیدت اتے شہیداں دے ٹٻراں کوں اپݨے پیاریاں دی قربانی ݙیوݨ تے سلام پیش کیتا۔ انہاں شہیداں دے درجات دی بلندی اتے ورثا کیتے صبر دی دعا کیتی۔
