اسلام آباد۔29مارچ(اے پی پی) وفاقی وزیر خزانہ و محصولات سینیٹر محمد اسحاق ڈار نال اتھاں پاکستان اچ متحدہ عرب امارات دے سفیر حمادعبید ابراہیم سلیم الزابی ملاقات کیتی ۔ وزارت خزانہ دے ترجمان موجب ملاقات اچ پاکستان تے یو اے ای وچال ݙو طرفہ اقتصادی اتے مالی تعلقات کوں مزید مضبوط بݨاوݨ متعلق امور دا جائزہ ڳھدا ڳئے ۔ وزیر خزانہ ݙوہیں ملکاں وچال گھاٹے تاریخی اتے دوستانہ تعلقات تے روشنی پاتی ۔ انہاں آکھیے جو یو اے ای پاکستان دا اہم دوست اتے بھرا اسلامی ملک اے تے ݙوہیں ملکاں وچال بہترین تعلقات قائم ہن۔ وزیر خزانہ پاکستان اچ کاروبار اتے سرمایہ کاری کیتے حکومت دی طرفوں ݙتی ڳئے سازگار ماحول اتے سہولتاں دا وی انہاں کوں ݙسایا تے آکھیا جو پاکستان معیشت دے مختلف شعبیں اچ یو اے ای دی طرفوں مزید سرمایہ کاری دا خیرمقدم کریسی ۔
