اسلام آباد۔29مارچ(اے پی پی) وزیراعظم محمد شہباز شریف نال رکن قومی اسمبلی اسلم بھوتانی ملاقات کیتی۔ اسلم بھوتانی وزیراعظم کوں آپݨے حلقے گوادر ،لسبیلہ اچ جاری ترقیاتی منصوبیں تے عوام کوں پیش آندے مسئلیں بارے ݙسایا ۔ وزیراعظم آفس میڈیا ونگ توں جاری بیان موجب وزیراعظم حلقے دے سارے مسئلے حل کرݨ دا یقین ݙویندے ہوئیں آکھیے جو بلوچستان بالخصوص گوادر دی ترقی حکومت دی ترجیحات اچ شامل اے،گوادر چین پاکستان اقتصادی راہ داری دے حوالے نال اہمیت دی حامل اے۔ملاقات اچ ملک دی مجموعی سیاسی صورت حال تے ڳالھ مہاڑ کیتی ڳئی۔
