اسلام آباد۔29مارچ (اے پی پی) وزیر دفاع خواجہ محمد آصف آکھیا جو ملک دے پاور سٹرکچر اچ شامل عدلیہ ، اسٹیبلشمنٹ ،میڈیا سمیت سارے سٹیک ہولڈرز رَل ٻہن تاں حل نکل سڳدے، پی ٹی آئی دے جیڑھے بندے ڳالھ کرݨ امدن انہاں کنے مینڈیٹ کائنی ہوندا، ایں کیتے ݙو ترائے مہینے توں انہاں نال تھیوݨ آلی ملاقاتاں اچ کوئی پیشرفت کائنی۔ او بدھ کوں وفاقی وزیر اقتصادی امور سردار ایاز صادق دے رَلے سپریم کورٹ دے ٻاہر میڈیا نال ڳالھ مہاڑ کریندے پے ہن۔ وزیردفاع خواجہ محمد آصف آکھیا جو ڳالھ مہاڑ صرف ڳالھیں تئیں نی ہووݨی چاہیدی، اگر اساں دلدل توں نکلݨے تاں پاور سٹرکچر دے سارے سٹیک ہولڈرز کوں رَل ٻھوݨاں چاہیدے۔
