اسلام آباد۔29مارچ (اے پی پی) وفاقی وزیر برائے ماحولیاتی تبدیلی سینیٹر شیری رحمان آکھیا جو اڄوکی افراتفری دے ماحول اچ چنڳی خبر اے جو یورپی یونین پاکستان کوں ہائی رسک ملکاں دی فہرست توں کݙھ ݙتے۔ ایں اہم پیشرفت دے بعد برآمد کنندگان اتے تاجراں کوں رکاوٹاں دا سامݨا کائنا کرݨا پوسی۔ بدھ کوں اپݨے ٹویٹ اچ انہاں آکھیا جو 2018 توں پاکستان یورپی یونین دی ہائی رسک ملکاں دی فہرست اچ ہئی جئیں پاروں پاکستان دی معیشت، برآمد کنندگان اتے تاجراں دا ضیان تھیا ہئی۔ شیری رحمان آکھیا جو یورپی یونین ولوں پاکستان کوں ہائی رسک ملکاں دی فہرست توں کݙھݨ ہک وݙٰی تجارتی اتے سفارتی کامیابی اے جئیں دا سہرا وزیر خارجہ بلاول بھٹو زرداری کوں ویندے۔
