لاہور۔29مارچ(اے پی پی)انٹرنیشنل کرکٹ کونسل نویں رینکنگ جاری کیتی اے جیندے اچ ون ڈے کیتے کپتان بابراعظم اتے ٹی20 اچ سوریا کمار یادیو دی شاہی اے۔ مینز ون ڈے رینکنگ اچ امام الحق اتے کوئنٹن ڈی کوک بالترتیب 740 پوائنٹس نال کٹھے تریڄھی پوزیشن تے ہین۔ جنوبی افریقہ دے رسی وین ڈر ڈوسن 777 پوائنٹس نال ݙوڄھی پوزیشن تے ہین۔ ٹی20 عالمی رینکنگ اچ بھارت دے سوریا کمار یادیو 906 رینٹنگ پوائنٹس نال پہلی، محمد رضوان 811 پوائنٹس نال ݙوڄھی، ڈیون کانوے 768 پوائنٹس نال تریڄھی اتے کپتان بابراعظم 755 پوائنٹس نال چوتھے نمبر تے ہین۔ بالرز دی رینکنگ اچ افغان اسپنر راشد خان 710 پوائنٹس نال پہلی، ونندو ہسارنگا 695 پوائنٹس نال ݙوڄھے اتے افغان بولر فضل الحق فاروقی 692 پوائنٹس نال تریڄھی پوزیشن تے ہین۔
