اسلام آباد۔31مارچ(اے پی پی) سپیکر قومی اسمبلی راجہ پرویز اشرف تے ڈپٹی سپیکر زاہد اکرم درانی سینئر صحافی ممتاز احمد طاہر دے انتقال تے ݙکھ تے افسوس کیتے ۔ آپݨے تعزیتی بیان اچ انہاں ممتاز احمد طاہر دی صحافتی خدمات کوں خراج تحسین پیش کریندے ہوئیں آکھیے جو انہاں دی ایں شعبے اچ خدمات کوں ہمیشہ یاد رکھیا ویسی ۔سپیکر و ڈپٹی سپیکر اللہ تعالیٰ توں مرحوم دے اچے درجے تے ݙکھی خاندان کوں ایں ناقابل تلافی نقصان کوں برداشت کرݨ کیتے صبر دی دعا کیتی ۔
