اسلام آباد۔2اپریل (اے پی پی) ملک دے اُتلے علاقیاں اچ تکھی ہوائیں اتے ڳاج کھمݨ نال ٻیا مینہ وسݨ دا امکان اے۔ نیشنل ڈیزاسٹر مینجمنٹ اتھارٹی(ایم ڈی ایم اے) توں آݙت وار کوں جاری الرٹ اچ آکھیا ڳیا جو محکمہ موسمیات ݙو اپریل کوں مغربی ہوائیں دے ملک اچ آوݨ دا امکان اے جئیں پاروں سنوار اتے منگل کوں ملک دے کئی علاقیاں اچ تکھی ہوائیں اتے اندھاری نال مینہ وسݨ دا امکان اے۔ ایں وچال آزاد جموں و کشمیر اچ وادی نیلم، مظفرآباد، پونچھ، ہٹیاں، باغ، حویلی، کوٹلی، بھمبر اتے میر پور جڈانجو گلگت بلتستان اچ دیامیر، استور، غذر، سکردو، ہنزہ، گلگت، گھانچے اتے شگر دے علاوہ خیبرپختونخوا دے اضلاع گلیات، پشاور، چارسدہ، نوشہرہ، صوابی، مردان، باجوڑ، کرم، وزیرستان، کوہاٹ، کرک، بنوں، ڈیرہ اسماعیل خان، چترال، دیر، سوات، مانسہرہ، بونیر، کوہستان، شانگلہ، ہری پور اتے ایبٹ آباد اچ مینہ وسݨ دا امکان اے اتے این ڈی ایم اے آکھیا جو ترائے اتے چار اپریل اچ پنجاب اچ مری، راولپنڈی، اٹک، چکول، جہلم، خوشاب، میانوالی، سرگودھا، گوجرانوالا، گجرات، حافظ آباد، منڈی بہائو الدین، سیالکوٹ، نارووال، لاہور، فیصل آباد، ٹوبہ ٹیک سنگھ، جھنگ، قصور، شیخوپورہ، ننکانہ صاحب، ملتان، ڈی جی خان، بہاولپور اتے ساہیوال دے ضلعیاں دے علاوہ بلوچستان دے اضلاع کوئٹہ، ژوب، بارکھان، قلعہ سیف اللہ اتے قلعہ عبداللہ جڈانجو وفاقی دارالحکومت اسلام آباد اچ وی مینہ وسݨ دا امکان اے۔
