اسلام آباد۔3اپریل(اے پی پی) وفاقی وزیر موسمیاتی تبدیلی شیری رحمان آکھیے الیکشن توں بھڄدے کائںی پئے ، واضح پوزیشن ڳھدی ڳئی اے جو (صوبیں اچ )انڄ انڄ انتخابات ہوسن تاں ہیجانی کیفیت بݨدی اے، لیکن ہݨ صورتحال متنازعہ تھیندی ویندی اے ، ترائے فریقاں عدم اعتماد کرݙتے، ایں کیس اچ اساکوں فریق نی بݨݨ ݙتا ڳیا صرف ھک پارٹی کوں فریق بݨایا ڳئے۔ اوسپریم کوٹ دے ٻاہروں میڈیا نال ڳالھ مہاڑ کریندیاں پیاں ہن ۔ وفاقی وزیر شیری رحمن آکھیے اقلیتی بنچ ہݨ اکثریت اچ تبدیل تھی تے فیصلے کریندا پئے ،جنہاں چار ججز اتفاق نی کیتا او انڄ تھی ڳئن ، صورتحال متنازعہ تھی ڳئی اے ، الیکشن کمیشن دا کم صاف شفاف الیکشن کراوݨ اے لیکن ایں تے ازخود نوٹس تھی ڳئے ، کوئی نی چاہندا جو جمہوریت تے آئین دے حوالے نال عدالتاں متنازعہ تھیون۔ انہاں آکھیے عدالتی کارورائیاں دا حصہ نہ ہوسن تاں سݨسوں کیویں ، ایں معاملے اچ صرف ھک پارٹی کوں فریق بݨایا ڳئے ، ول ول سیاسی جماعتاں دی طرفوں فریق بݨݨ دی درخواست کیتی ڳئی لیکن او منظور نی کیتی ڳئی اتحادی جماعتاں ہر مرحلے تے مشاورت کریندن ۔ وفاقی وزیر شیری رحمن آکھیے الیکشن توں بھڄدے کائنی پئے ، واضح پوزیشن ڳھدی ڳئی اے جو انڄ انڄ الیکشن ہووے تاں ہیجانی کیفیت بݨدی اے ۔
