اسلام آباد۔3اپریل(اے پی پی) قومی اسمبلی دی قائمہ کمیٹی امور خارجہ دا اجلاس ٻدھ کوں تھیسی ، اتھاں دفتر خارجہ اچ تھیوݨ آلے اجلاس دی صدارت کمیٹی دے چیئرمین محسن داوڈ کریسن ۔ قومی اسمبلی سیکرٹریٹ موجب سعودی عرب تے ایران وچال سفارتی تعلقات دی بحالی اتے پاکستان دی خارجہ پالیسی تے ایندے اثرات دا معاملہ وی اجلاس دے ایجنڈا اچ شامل اے۔ اجلاس اچ مشرق وسطیٰ اچ چین دے ودھدے کرداردے تناظراچ خطے اتے پاکستان دی خارجہ پالیسی تے ایندے اثرات دا وی جائزہ ڳھدا ویسی ۔ اجلاس اچ کمیٹی دی سابقہ سفارشات تے عمل درآمد دا معاملہ وی زیر غور آسی ۔اجلاس دے دوران وزارت خارجہ دی افغان شہریاں کیتے ویزا دے حوالے نال ٻاہرلے ملک پاکستانی مشنز کوں ہدایات متعلق شرکاءکوں ݙسایا ویسی ۔ اجلاس اچ کمیٹی دے ارکان تے ٻئے متعلقہ حکام شرکت کریسن ۔
