اسلام آباد۔3اپریل (اے پی پی) وفاقی وزیر اتے چیئرپرسن بینظیر انکم سپورٹ پروگرام شازیہ مری بینظیر انکم سپورٹ پروگرام دے مختلف اقدامات دا جائزہ ڳھنݨ کیتے جائزہ اجلاس دی صدارت کیتی اتے بینظیر کفالت دی فراہمی کوں یقینی ٻݨاوݨ کیتے متعلقہ اداریاں کوں ٻے اقدامات اتے شفاف انداز اچ اختیار کرݨ دی ہدایت کیتی۔ اے ڳالھ انہاں زوم تے اجلاس دی صدارت کریندیں ہوئیں آکھی جئیں اچ سیکرٹری بینظیر انکم سپورٹ پروگرام یوسف خان، ایڈیشنل سیکرٹری ڈاکٹر طاہر نور اتے سارے ڈائریکٹر جنرلز بشمول صوبے اتے علاقیاں دے سربراہان شریک تھیے۔ سیکرٹری بینظیر انکم سپورٹ پروگرام (بی ایس آئی پی ) وفاقی وزیر کوں بینظیر کفالت دی جاری سہ ماہی تقسیم بارے بریفنگ ݙتی جئیں کوں وفاقی حکومت ست ہزار توں ودھا تے 8500 روپے کر ݙتے۔ بینظیر تعلیم وظیفہ دی تقسیم، سندھ حکومت ولوں سندھ دے چھل متاثرہ علاقیاں دے کساناں کوں کنڑک دے بڄ دی سبسڈی، اتے اٹے سی سبسڈی سوھے ٻے اقدامات دی تفصیل تے ڳالھ مہاڑ کیتی ڳی۔ نیشنل سوشل اکنامک رجسٹری ‘ڈائنامک رجسٹری’ دے جاری تھیے سروے تے وی ڳالھ مہاڑ کیتی ڳی جئیں دے تحت پہلے توں رجسٹرڈ فائدہ چاوݨ آلیاں دی حیثیت دا نویں سروں جائزہ ڳھدا ویندا پے۔
