اسلام آباد۔3اپریل (اے پی پی) وزیر اعظم دے مشیر برائے امور کشمیر وگلگت بلتستان قمر زمان کائرہ آکھیا جو ملک اچ ہکے ویلھے انتخابات نال استحکام امسی، ہک بحران دے بعد ݙوجھا بحران نی ہووݨا چاہیدا، انہاں آکھیا جو جون اچ آندے عام انتخابات دا بجٹ وی آویسی، اوں ویلھے تئیں مردم شماری وی تھی ویسی، حلقہ بندیاں وی تھی ویسن۔ سنوار کوں سپریم کورٹ دے ٻاہر میڈیا نال ڳالھ مہاڑ کریندیں ہوئیں انہاں آکھیا جو میڈیا اتے سیاسی جماعتاں دی کٹھے اٹھݨ آلی آوازاں کوں چھوڑو، سپریم کورٹ دے ججاں دی سݨ ڳھنو، پنجاب اچ اسمبلی تروڑݨ توں پہلے اتے بعد اچ اوں ویلھے دے وزیراعلیٰ آکھیا ہئی جو او اسمبلی کائنا تروڑݨ چاہندے ہن۔ سپریم کورٹ اچ اڄ اسد عمر غلط بیانی کیتی اے۔ انہاں آکھیاجو نوے ݙینھ اچ انتخابات دے نال نال صاف شفاف انتخابات تھیوݨ دی ٻہوں ضروری ہن۔ الیکشن تھیوݨے چاہیدن پر ایں نال ہک ٻیا بحران نی پیدا تھیوݨا چاہیدا۔
