اسلام آباد۔3اپریل (اے پی پی) سپیکر قومی اسمبلی راجہ پرویز اشرف شہید ذوالفقار علی بھٹو کوں انہاں دی 44 ویں ورھیݨے تے زبردست خراج عقیدت پیش کریندیں ہوئیں آکھیا جو پاکستان دا متفقہ آئین اتے دفاع شہید ذوالفقار علی بھٹو دے ولولہ انگیز وژن دا مرہون منت اے۔ شہید ذوالفقار علی بھٹو ذہانت، ہمت، بہادری اتے ولولہ انگیز وژن دی حامل شخصیت ہن جنہاں غریب ، پسماندہ اتے متوسط طبقات دے حقوق کیتے انتھک جدوجہد کیتی، انہاں دی قیادت اتے وژن اساݙی قومی تاریخ ٻݨاوݨ اچ اہم کردار ادا کیتے۔ اے ڳالھیں انہاں ذوالفقار علی بھٹو دے 44 ویں ورھیݨے دے موقع تے اپݨےسنیھے اچ آکھی۔ سپیکر قومی اسمبلی ایں ضرورت تے زور ݙتا جو شہید ذوالفقار علی بھٹو 1973 اچ پاکستان دے آئین دے مسودے کوں متفقہ طور تے منظور کراوݨ اچ اہم کردار ادا کیتے اتے آئینی اصلاحات دے عمل اچ قائدارنہ کردار ادا کیتے اتے انہاں دی حکومت ملک دا پہلا جمہوری آئین ڳھن آوݨ اچ اہم کردار ادا کیتے۔
