کہی دے خلاف ریفرنس دائر کرݨ ہر شہری دا حق اے، اے غیر قانونی یا عدالت تے حملے دی ڳالھ نی، وفاقی وزیر داخلہ رانا ثنا اللہ خان

اسلام آباد۔4اپریل (اے پی پی) وفاقی وزیر داخلہ رانا ثنا اللہ خان آکھیا جو کہی دے خلاف ریفرنس دائر کرݨ ہر شہری دا حق اے، اے غیر قانونی یا عدالت تے حملے دی ڳالھ نی، جئیں ویلھے حالات پیدا تھیسن تاں آئین اچ ایمرجنسی دا او آرٹیکل موجود اے، ݙوصوبیاں اچ پہلے الیکشن نال ہک نواں بحران اتے انارکی تھیسی۔ او منگل کوں سپریم کورٹ دے ٻاہر فیصلے توں پہلے میڈیا نال ڳالھ مہاڑ کریندے پے ہن۔ وفاقی وزیر قانون تے انصاف سینیٹر اعظم نذیر تارڑ وی انہاں دے نال ہن۔ وفاقی وزیر داخلہ رانا ثنااللہ آکھیا جو چار ججز ایں سوموٹو نوٹس کوں مسترد کر ݙتے۔ الیکشن کیس دا فیلہ فل کورٹ نال کیتا ونڄے۔ صرف انصاف نی چاہیدے بلکہ انصاف تھیندا نظر آوݨا چاہیدے۔ ہرپاسوں فل بنچ دا مطالبہ اے تاں اوں کوں منݨ اچ کیا حرج اے۔