اسلام آباد۔5اپریل(اے پی پی) وفاقی وزیر قانون وانصاف سینیٹر اعظم نذیر تارڑ پاک جرمن تعلقات کوں مزید مستحکم تے ودھارا ݙیوݨ کیتے تعلیم، طلبہ دے تبادلے دے پروگراماں اتے قانون دی حکمرانی دے شعبیں اچ مضبوط تعاون دی لوڑھ تے زور ݙتے۔ اے ڳالھ انہاں ٻدھ کوں نارڈ اڈیناؤر فاؤنڈیشن دے ازبکستان اچ ریجنل ڈائریکٹر جنوب ایشیا پروگرام ڈاکٹر ایلنور زینون نال ملاقات اچ آکھی اے۔ ملاقات اچ سینیٹر اعظم نذیر تارڑ جرمنی تے پاکستان دے درمیان تعلقات کوں مزید مستحکم تے ودھارا ݙیوݨ کیتے تعلیم، طلبہ دے تبادلے دے پروگراماں تے قانون دی حکمرانی دے شعبیں اچ مضبوط تعاون دی لوڑھ تے زور ݙتا۔ ڈاکٹر ایلنور زینو ایں ویلھے تاشقند ازبکستان اچ واقع کونارڈ اڈیناؤر فاؤنڈیشن اچ ڈائریکٹر ریجنل پروگرام جنوب مغربی ایشیا دے طور تے کم کریندے پئن ۔ کونارڈ فاؤنڈیشن ایشیائی ملکاں اچ پارلیمانی تعلقات اتے قانون دی حکمرانی دے ودھارے کیتے کئی سالاں توں کم کریندی پئی اے ۔
