بیجنگ۔5اپریل(اے پی پی) وفاقی وزیر منصوبہ بندی پروفیسراحسن اقبال آکھیے چین دے نال یاری تے سٹریٹجک شراکت داری کوں پاکستان اچ وسیع سیاسی حمایت حاصل اے۔اے ڳالھ انہاں ٻدھ کوں بیجنگ اچ منسٹر فار انٹرنیشنل ڈیپارٹمنٹ آف کمیونسٹ پارٹی آف چائنا مسٹر لیو جیان چاو نال ملاقات اچ آکھی اے۔ انہاں چین دے پرامن عروج اتے اقتصادی ترقی اچ سی پی سی دے کردار دی تعریف کیتی جݙاں جو سالانہ ݙو اجلاساں دے کامیاب انعقاد تے مبارخ ݙتی ۔ وفاقی وزیر بیلٹ اینڈ روڈ انیشی ایٹو، گلوبل ڈویلپمنٹ انیشی ایٹو، گلوبل سیکورٹی انیشی ایٹو جیہے اقدامات شروع کرݨ تے صدر شی دے وژن کوں خراج تحسین پیش کیتا۔وفاقی وزیر احسن اقبال نومبر 2022 اچ وزیر اعظم شہباز شریف دے بیجنگ دے کامیاب دورے دا حوالہ ݙیندے ہوئیں ݙوہیں فریقاں چین اچ پاکستانی نینگر سیاسی رہنماواں تے پیشہ ور لوکاں دی خصوصی تربیت دے ذریعے استعداد کار اچ ودھارے کیتے آئی ڈی سی پی سی دی حمایت دے طریقیں تے کم کرݨ تے سی پی سی دے گورننس ماڈل تے تجربات دے اشتراک تے اتفاق وی کیتا جݙاں جو دیہاتی ترقی، نینگراں بااختیار بݨاوݨ، غربت دا خاتمہ، اقتصادی ترقی، ٹیکنالوجی دا استعمال، برآمدات اچ ودھارا تے صنعت کاری تے وی اتفاق کیتا۔
