اسلام آباد۔5اپریل (اے پی پی) وفاقی وزیر برائے ماحولیاتی تبدیلی سینیٹر شیری رحمان آکھیا جو ترائے رکنی بنچ دے فیصلے تے احتجاج کرݨ سیاسی جماعتاں دا حق اے۔ جݙاں عدل، قانونی اتے اخلاقی تقاضے پورے کائنا تھیسن تاں فیصلیاں تے سوالات ضرور اٹھسن۔ بدھ کوں اپݨے ٹویٹ اچ انہاں آکھیا جو ترائے رکنی بنچ دے فیصلے تے اساݙا ہک نی بلکہ کئی تحفظات ہن۔ بنچ ٻݨاوݨ اتے تقسیم ایں عمل کوں متنازعہ ٻݨا ݙتا ہئی۔ انہاں آکھیا جو یکم مارچ کوں چار ججز ازخودنوٹس دے خلاف فیصلہ ݙتے۔ جݙاں ججز دی اکثریت فیصلہ ݙتا ہئی تاں ترائے رکنی بنچ کیوں ٻݨایا؟ چار ججز دے فیصلے کوں ترائے رکنی نی بلکہ لارجر بنچ یا فل کورٹ بنچ مسترد کر سڳدا ہئی اتے فل کورٹ بنچ ٻݨاوݨ دی استدعا کوں ولا ولا مسترد کیتا ڳیا۔ انہاں آکھیا جو 14 مئی کوں 90 نی 120 ݙینھ ٻݨدن۔ آرٹیکل (2) 224 اچ اگر 90 ݙینھ اچ انتخابات کراوݨے ہن تاں فیصلے اچ 14 مئی دی تاریخ پچھوں کیا مصلحت اے؟
