اسلام آباد۔5اپریل (اے پی پی) پاکستان آکھیا جو او شنگھائی تعاون تنظیم (ایس سی او) دے ہک فعال رکن دے طور تنظیم دی سارے سرگرمیاں اچ حصہ ڳھندا رہسی۔ دفتر خارجہ دی ترجمان ممتاز زہرہ بلوچ بدھ کوں پریس بریفنگ اچ آکھیا جو وزیراعظم دے مشیر برائے ثقافت انجینئر امیر مقام بھارت دی میزبانی اچ 3 اپریل کوں شنگھائی تعاون تنظیم دے وزراء ثقافت دے اجلاس اچ ورچوئل شرکت کیتی۔ ترجمان آکھیا جو انجینئر امیر مقام اجلاس اچ پاکستان دے بھرپور ثقافتی ورثے کوں اجاگر کیتا اتے آپسی افہام و تفہیم کوں ودھاوݨ کیتے شنگھائی تعاون تنظیم دے فریم ورک دے تحت ثقافتی تبادلے اتے تعاون وکں ودھاوݨ دی لوڑھ تے زور ݙتا۔ ترجمان آکھیا جو پاکستان شنگھائی تعاون تنظیم دے ہک فعال رکن دے طور تنظیم دی سارے سرگرمیاں اچ حصہ ڳھندا رہسی۔
