جدہ۔6اپریل (اے پی پی):مقبوضہ بیت المقدس اچ مسجد اقصیٰ تے اسرائیلی پولیس دے حملے دے بعد صورتحال تے غور فکیتے ہنگامی عرب لیگ دا ہنگامی اجلاس منعقد تھیا ، جیں اچ مسجدالاقصیٰ تے اسرائیلی فورسز دے حملیں دی مذمت کیتی ڳئی ۔ سعودی خبر رساں ادارے موجب اردن نے مصر اتے فلسطینی حکام نال رل تے تنظیم دا ہنگامی اجلاس سݙݨ دی درخواست کیتی ۔اردن دی وزارت خارجہ آکھیے عرب لیگ دی طرفوں اسرائیلی خلاف ورزیاں کوں روکݨ کیتے کوششاں جاری ہن تے اے بین الاقوامی انسانی قوانین دی صریح خلاف ورزی ہن۔ ایں طرح دیاں کاروئیاں دا مقصد مقبوضہ بیت المقدس دی تاریخی اتے قانونی حیثیت کوں تبدیل کرݨا اے ۔ برطانوی خبر رساں ادارے موجب عرب لیگ مقبوضہ بیت المقدس اچ مسجد الاقصی تے اسرائیلی فورسز دے حملیں دی شدید مذمت کریندے ہوئیں آکھیے جو پرتشدد کارروائیاں توں علاقائی استحکام کوں خطرہ اے۔
