قومی ریسلنگ چیمپئن شپ (اج) شروع تھیسی

اسلام آباد ۔ 23 مئی (اے پی پی) پاکستان ریسلنگ فیڈریشن دے زیراہتمام 62 ویں قومی ریسلنگ چیمپئن شپ (اج) منگل توں گوجرانوالہ وچ شروع تھیسی۔ قومی ریسلنگ ٹیم دے ہیڈ کوچ انور ڈسایا جو چیمپئن شپ وچ پورے ملک توں 12 ٹیماں شرکت کریسن جنہاں وچ ریلوے، واپڈا، آرمی، پولیس، ہائیرایجوکیشن کمیشن، پنجاب، خیبر پختونخوا، سندھ، گلگت بلتستان، اسلام آباد اتے فاٹادیاں ٹیماں شامل ہن۔ انہاںآکھیا جو قومی بیچ ریسلنگ چیمیئن شپ26 توں 28 مئی تئیں گوجرانوالہ وچ کھیڈی ویسی، چیمپئن شپ دے دوران چنگی کارگردگی آلے کھلاڑیاں دی لسٹ تیار کیتی ویسی جنہاں کوں پاکستان ریسلنگ فیڈریشن دے زیر اہتمام تربیتی کیمپ وچ سڈیا ویسی۔ انہاں آکھیا جو انہاں کھلاڑیاںوچوں قومی ٹیم دا میرٹ دی بنیاد تے انتخاب کرتے ایشین بیچ گیمز وچ شرکت سانگے بھیجیاویسی، ایہ گیمز ستمبر وچ ویتنام وچ تھیسن۔