کراچی۔7اپریل(اے پی پی)انٹر بینک اچ ڈالر دا ملھ ودھݨ لڳ ڳئے۔ کاروباری ہفتے دے پنجویں اتے چھیکڑی ݙینھ کاروبار دے شروع اچ انٹربینک اچ ڈالر دی قیمت اچ 42 پیسے کمی ݙٹھی ڳئی بھل بعد اچ اچانک ڈالر دا ملھ قدھم لڳے اتے 23 پیسے ودھارے دے بعد امریکی کرنسی 284 روپے 65 تے بند تھئی۔ کل انٹربینک اچ ڈالر دا ملھ 284 روپے 42 پیسے ریہا ہا۔ ٻئے پاسو اوپن مارکیٹ اچ ڈالر دی قدر ݙیݙھ روپے ودھی اے اتے اوپن مارکیٹ اچ امریکی کرنسی 291 روپے 50 پیسے تے وکدی پئی اے۔ ݙوڄھے پاسو پاکستان سٹاک ایکسچینج سٹاک مارکیٹ اچ مندی ݙٹھی گئی، 301 پوائنٹس کمی دے بعد 100 انڈیکس 40 ہزار 49 پوائنٹس تے بند تھئے۔
