اسلام آباد۔10اپریل (اے پی پی) وفاقی وزیر قانون اعظم نذیر تارڑ آکھیا جو قومی اتے صوبائی اسمبلیاں دے انتخابات ہکے ویلھے کراوݨ دی سینیٹ کثرت رائے نال منظوری ݙتی اے۔ اپوزیشن ارکان کوں واک آؤٹ اتے بائیکاٹ دی عادت پے ڳی اے، جݙاں پچھلے سال اپریل اچ قومی اسمبلی تروڑی ڳی ہئی تاں اوں ویلھے انہاں کوں شرم نی آئی، ہک بندے دی ذاتی انا کیتے ݙو صوبائی اسمبلیاں تروڑی ڳن، عدالت وی آکھدی پی اے جو ون مین شو کائنا چلسی۔ بینچ فکسنگ کر تے سیاست نی تھیندی۔ سنوار کوں سینیٹ اچ قائد حزب اختلاف سینیٹر شہزاد وسیم اتے ٻے اپوزیشن ارکان دے نکتہ اعتراض دے جواب اچ انہاں آکھیاجو اپوزیشن جمہوری روایت دا خیال رکھے۔ انہاں تاں پریکٹس اینڈ پروسیجر بل اتے وکلاء دے تحفظ دے بل تے وی احتجاج کیتا ہئی۔ قومی اتے صوبائی اسمبلیاں دے انتخابات ہکے ویلھے کراوݨ دی سینیٹ کثرت رائے نال منظوری ݙتی اے۔
