اسلام آباد۔10اپریل (اے پی پی) آئین دی گولڈن جوبلی تے سیاسی جماعتاں آئین پاکستان کوں عوام دے بنیادی حقوق دا ضامن قرار ݙیندیں ہوئیں آکھیا جو ملک دے نظام کوں مستحکم ٻݨاوݨ کیتے میثاق جمہوریت ٹو ہووݨا چاہیدے، 1973 دا آئین ٻݨاوݨ آلیاں ہک تاریخ رقم کیتی، آئین ساری وفاقی اکائیاں کوں ہک لڑی اچ پرو رکھیے جیڑھا قیامت تئیں سلامت رہسی۔ سنوار کوں آئین دی گولڈن جوبلی تقریبات بارے کنونشن قومی اسمبلی ہال اچ تھیا۔ سپیکر قومی اسمبلی راجہ پرویزاشرف کنونشن دی صدارت کیتی۔ اجلاس اچ وفاقی وزراء ، وزرائے مملکت ، موجودہ اتے سابق ارکان پارلیمنٹ سودھے زندگی دے ٻے شعبیاں توں تعلق رکھݨ آلی شخصیات شریک تھئی۔ وزیر اعظم شہباز شریف ، جسٹس قاضی فائز عیسیٰ ، سابق وزیر اعلی قائم علی شاہ ، گورنر پنجاب بلیغ الرحمن ، وزیر اعلیٰ سندھ مراد علی شاہ، وزیراعظم آزاد کشمیر سردار تنویر الیاس خان ، شاہ اویس نورانی وی کنونشن اچ شریک تھیے۔
