اسلام آباد۔11اپریل(اے پی پی) صدر مملکت ڈاکٹر عارف علوی یوٹیلٹی سٹورز کارپوریشن کوں متوفی ملازم دے پتر کوں ملازمت ݙیوݨ دی ہدایت کریندے ہوئیں آکھیے جو یوٹیلٹی سٹورز کارپوریشن فوت شدہ ملازم دے پتر کوں وزیراعظم دے امدادی پیکیج دے تحت تعینات کرے۔ ایوان صدر دے پریس ونگ توں جاری بیان موجب صدر مملکت رضوان اللہ (شکایت کنندہ) دی طرفوں دائر کیتی ڳئی درخواست منظور کرڳھدی ۔ انہاں آکھیے ایجنسی ھک ٻئے متوفی ملازم دے پتر کوں وزیر اعظم دے امدادی پیکیج دے تحت ملازمت ݙے چکی اے ، ݙوجھے ملازم دا انتقال 2012 اچ ادارے دی طرفوں پالیسی اپناوݨ توں پہلے تھیا ، کارپوریشن شکایت کنندہ نال ھکو سویں سلوک توں انکار نی کرسڳدی ۔ صدر مملکت آکھیے رضوان اللہ دے والد (بختاور شاہ) کارپوریشن دے ملازم ہن، دوران سروس 2009 اچ انتقال کرڳئے۔شکایت کنندہ متوفی ملازمین دے ٻالاں دے کوٹے تے تقرری کیتے درخواست ݙتی، مگر کوئی فیدہ نہ تھیا ۔ شکایت کنندہ وفاقی محتسب نال رابطہ کیتے جیں شکایت کوں مسترد کرݙتے۔ محتسب مسترد شدہ فیصلہ اچ آکھیے والد دا انتقال 2009 اچ تھیا ، پیکج کوں ادارے دی طرفوں 2012 اچ اپنایا ڳئے ، پالیسی شکایت کنندہ تے لاگو نی تھیندی ۔ بعد اچ رضوان اللہ صدر مملکت کوں محتسب دے حکم دے خلاف درخواست ݙتی جیں کوں قبول کرڳھدا ڳئے ۔ صدر مملکت فیصلہ اچ قرار ݙتے جو وزیراعظم دا امدادی پیکج 2006 اچ اسٹیبلشمنٹ ڈویژن دے او ایم دے ذریعے جاری کیتا ڳیا، 2006 دے بعد وقتاً فوقتاً امدادی پیکج اچ ترامیم کیتیاں ڳن
