اسلام آباد۔11اپریل (اے پی پی):وزیراعظم محمد شہباز شریف آکھیے اتحادی حکومت دی ھک سالہ کارکردگی کامیابی دے سفرنال عبارت اے جیں دوران پاکستان دی ساکھ بحال تھئی تے ملک کوں پیش آندے کٹھن معاشی اتے توانائی دے چیلنجز تے قابو پاتا ڳئے،مختلف منشور دی حامل سیاسی جماعتاں دا مشترکہ قومی مقصد کیتے ھک پلیٹ فارم تے کٹھے تھیوݨ ملک دے سیاسی ارتقا اچ ھک اہم پیشرفت دا عکاس تے مفاہمت دی سیاست دا آئینہ دار اے۔ منڳل کوں موجودہ حکومت دا ھک سال پورا تھیوݨ تے معیشت ، توانائی ، سفارتکاری ، مواصلات اتے ماحولیات سودھے مختلف شعبہ جات اچ حکومتی کارکردگی دے حوالے نال آپݨے ٻہوں سارے ٹویٹس اچ وزیراعظم آکھیے اڄ اتحادی حکومت دا ھک سال مکمل تھیندا پئے جݙاں میں وزارت عظمیٰ دا حلف چاتا،میݙے نقطہ نظر توں اے سال وݙےچیلنجز اتے مشکلات دا سال ہئی ، عمران نیازی دی حکومت دے خلاف عدم اعتماد دی تحریک صرف ایں حوالے نال بے مثال کائناں ہئی جو پی ڈی ایم اقتداراچ آئی بلکہ ایں کیتے جو پاکستان دی تقریباً ساریاں سیاسی قوتاں پارلیمنٹ دے فورم کوں استعمال کریندے ہوئیں آئینی ذرائع توں غیرمقبول حکومت کوں ووٹ دی طاقت دے ذریعے ہٹاوݨ کیتے کٹھیاں تھیاں۔ انہاں آکھیے مختلف منشور رکھݨ آلی سیاسی جماعتاں دا مشترکہ قومی مقصد کیتے ھک پلیٹ فارم تے کٹھے تھیوݨ ملک دے سیاسی ارتقا اچ ھک اہم پیشرفت دی عکاسی کریندے ۔وزیراعظم آکھیے حکومت عالمی سطح تے پاکستان دا مقدمہ پیش کرݨ کیتے موسمیاتی سفارتکاری دا استعمال کیتا، جی 77پلس چائنا دے صدر دی حیثیت نال اساں لاس اینڈ ڈیمیج فنڈ دےقیام اچ معاون رہیے ، جنیوا کانفرنس وچ 9 ارب ڈالر دے اعلانات ساݙی کامیاب سفارتکاری دا ثبوت ہن ۔
