اسلام آباد۔12اپریل (اے پی پی سرائیکی نیوز سروس)معروف لکھاری سرائیکی وسیب دے شہر لودھراں توں تعلق رکھݨ آلے انفارمیشن گروپ دے گریڈ 20 دے افسر محمد سعید احمد شیخ کوں وختی طور تے چیئرمین نیشنل پریس ٹرسٹ لاڈتا گئے ۔سعید احمد شیخ چیئرمین نیشنل پریس ٹرسٹ دی باقاعدہ طور تے تعیناتی تئیں کم کریسن ۔صدر مملکت دی سابقہ چیئرمین منیر احمد خان کوں نااہلی اتے عوامی فنڈز اچ بے ضابطگیاں تے عہدے توں ہٹاوݨ دی وی منظوری ݙتی اے ۔صدر مملکت دی چیئرمین نیشنل پریس ٹرسٹ دے عہدے سانگے ایم پی -ون اسکیل دی وی منظوری ڈتی اے ۔شیخ محمد سعید احمد معروف سکالر ان جنھاں دا خواجہ غلام فرید تے تحقیقی کم کیتا اے ۔انھاں دی ہک تصنیف “مرشد من” فکر فرید دی ترویج لکھی گئی اے۔ کتاب دے سارے باب خواجہ فرید دی انسان دوستی دی تعلیمات دی ڳالھ کریندن جوخواجہ فرید دی پوری حیاتی انسان دوستی دا عملی نمونہ ہئی۔ ݙوجھے سماجی پہلو دے نال نال خواجہ فرید دا عشق، حسن ،روہی ،تصوف، انہاں دے موضوعات اچ شامل اے۔ صدرمملکت اےمنظوریاں نیشنل پریس ٹرسٹ (چیئرمین دی تعیناتی) ایکٹ 1972 دے تحت ݙتن۔
