لاہور۔13اپریل(اے پی پی) گورنر پنجاب انجینئر محمد بلیغ الرحمان آکھیے پاکستان معاشرے دے غریب طبقے دے ݙکھاں دا مداوا کرݨ تے آفات توں متاثرہ لوکاں دی وختی بحالی کیتے انسان دوستی دی بنیاد تے وݙے دل نال عطیات ݙیوݨ آلے صف اول دے ملکاں اچ شامل اے ۔ خمیس کوں اتھاں رابعہ ویلفیئر ہسپتال دی افتتاحی تقریب توں مختصر خطاب کریندے ہوئیں انہاں آکھیے جو ھکی چھت تلے غریباں کوں مفت طبی علاج ݙیوݨ کیتے جدید ترین ہسپتال بݨاوݨ دی ماڈل اسٹیل دی خدمات قابل ستائش ہن۔ انہاں آکھیے عطیات دا ودھدا رجحان اوسط اتے گھٹ آمدنی آلے ملکاں کیتے فنڈنگ دا ودھدا ہویا ذریعہ اے جیں توں صحت عامہ، تعلیم، زراعت، صنفی مساوات اتے صاف توانائی کیتے رقم ملدی پئی اے ۔ انہاں امید ظاہر کیتی جو اے چیریٹی ہسپتال علاقے دے لوکاں دیاں طبی ضرورتاں کوں پورا کریسی ۔
