سمر قند۔13اپریل (اے پی پی) وزیر مملکت برائے خارجہ امور حنا ربانی کھر دی ایران دے وزیر خارجہ حسین امیر عبداللہیان نال خمیس کوں ازبکستان دے شہر سمرقند اچ ملاقات کیتی۔ دفتر خارجہ موجب اے ملاقات افغانستان دے ہمسایہ ملک دے وزرائے خارجہ دے چوتھے اجلاس دے موقع تے تھئی۔ وزیر مملکت برائے خارجہ امور ملاقات اچ آپسی دلچسپی دے سارے شعبے خصوصی طور تجارت اتے معیشت، توانائی، سلامتی اتے علاقائی رابطیاں اچ پاکستان اتے ایران دے برادرانہ تعلقات کوں مضبوط ٻݨاوݨ دی پاکستان دی خواہش دا اعادہ کیتے۔ ݙوہیں ملکاں دے وزراء آکھیا جو پاکستان اتے ایران وچال ݙو پاسہ تجارت اتے اقتصادی تعاون اچ وسیع گنجائش موجود اے۔ ملاقات اچ ایران دے وزیر خارجہ حسین امیر عبداللہیان اتے وزیر مملکت حنا ربانی کھر افغانستان سودھے علاقائی اتے عالمی اہمیت دے معاملات تے قریبی رابطے اچ رہݨ دا عزم کیتا۔
