اسلام آباد۔13اپریل (اے پی پی سرائیکی نیوز سروس) پاکستان پیپلز پارٹی ولوں سرائیکی زبان ثقافت کلچر تے شناخت دا مکمل احترام کریندے ہوئیں وسیب دے نینگراں دی رجسٹریشن کیتے پیپلز پارٹی ڈیجیٹل سرائیکی وسیب دا اجراء کر ݙتے جئیں دی باقاعدہ تقریب 28 اپریل کوں ملتان اچ تھیسی۔ پاکستان پیپلز پارٹی سرائیکی وسیب دی کلچرل ونگ دے سیکرٹری اطلاعات راشد عزیز بھٹہ اے پی پی نال گالھ مہاڑ کریندے آکھے جو وسیب دے نینگر جیڑھلے آپدا فارم بھر گھنسن تاں فارم موصول تھیوݨ تے پیپلز پارٹی ڈیجیٹل سرائیکی وسیب لکھیا ہویا نظر آسی ایں ہک چنگا کم اے جیندے نال سرائیکی ادیباں شاعراں تے سرائیکی وسیب دے حقوق دی جدوجہد کرݨ آلے ہر سیاسی ورکر مبارک باد دے مستحق ہن ۔ پیپلز کلچرل ونگ سرائیکی وسیب دے صدر اشو لال ، جنرل سیکرٹری جہانگیر مخلص سمیت شہزاد شفیع دی ٹیم کوں مبارخاں ݙتن ۔ شہزاد شفیع ملتان سرائیکی وسیب اچ 28 اپریل کوں ہووݨ آلے پروگرام دے حوالےنال جدوجہد کریندے پئین ۔ وسیب دےلوکیں سوشل میڈیا تے موجود نینگراں کوں چاہیدا اے جو او ہیٹھ ڈتے گئے لنک کوں اوپن کرن اتے پیپلزپارٹی ڈیجیٹل سرائیکی وسیب دے علاقے دا کمپیوٹرائزڈ کارڈ بنڑواݨ کیتے ناں، ولدیت ،شناختی کارڈ نمبر، ایڈریس اتے رابطہ نمبر فارم دے اندر لکھسن۔
