اسلام آباد۔14اپریل(اے پی پی)سپیکر قومی اسمبلی راجہ پرویز اشرف تے ڈپٹی سپیکر زاہد اکرم درانی آکھیے مسلم امہ کوں پیش آندے مسئلیں دے حل کیتے اساکوں آپݨی صفاں اچ اتحاد قائم کرݨ دی لوڑھ اے ۔ پاکستان فلسطینی عوام دے رلے کھڑے تے ہر پلیٹ فارم تے انہاں دی سفارتی ، اخلاقی حمایت جاری رکھیسی ۔ یوم القدس دے موقع تے ھک بیان اچ سپیکر آکھیے پوری مسلم امہ اچ رمضان المبارک دا آخری جمعہ المبارک فلسطینیاں دے نال اظہار یکجہتی دا ݙینھ اے جیڑھا جو گزریل کئی ݙھاکیں توں اسرائیلی فوج دے ظلم و جبر دا شکار ہن ۔ انہاں آکھیے پاکستان فلسطینی عوام دے حق خود ارادیت دی بھرپور حمایت کریندے تے پوری قوم مشکل گھڑی اچ اپݨے فلسطینی بھیݨ بھراویں نال مکمل یکجہتی دا اظہار کریندن ۔ انہاں اقوام متحدہ تے فلسطین اچ اسرائیلی افواج دی طرفوں کیتے ونڄݨ آلے ظلم کوں روکݨ کیتے آپݨا بھرپور کردار ادا کرݨ دی لوڑھ تے زور ݙتا ۔سپیکر مسجد اقصٰی اچ نمازیاں تے اسرائیلی فوج دے اڄوکے حملیں دی سختی نال مذمت کریندے ہوئیں آکھیے نہتے فلسطینیاں کوں نماز وچ شہید کرݨ بربریت تے انسانی حقوق دیاں خلاف ورزیاں دی بدترین مثال اے۔
