اسلام آباد۔14اپریل(اے پی پی):وفاقی وزیر سائنس و ٹیکنالوجی آغا حسن بلوچ آکھیے پارلیمنٹ سپریم ادارہ اے، جمہوریت دی بالادستی کیتے پارلیمنٹ دی اہمیت توں انکار نی کیتا ونڄ سڳدا ۔ وزارت سائنس و ٹیکنالوجی دی طرفوں جمعہ کوں جاری بیان موجب آغا آغا حسن بلوچ آکھیے قانون سازی کرݨ پارلیمنٹ دی آئینی ذمہ واری ہے، سپریم کورٹ ایندی تشریح کرتے آئین تے عمل کریندی اے ۔ وفاقی وزیر آکھیے اڄوکے آئینی بحران دا واحد حل فل کورٹ دی تشکیل اے، بلوچستان نیشنل پارٹی دا ہمیشہ توں اصولی موقف رہیے جو کوئی ادارہ آپݨی آئینی حدود توں تجاوز نہ کرے۔
