اسلام آباد۔15اپریل (اے پی پی) وزیر اعظم شہباز شریف دی قیادت اچ اتحادی حکومت ہک سال اچ پاکستان دے ماس ٹرانزٹ سسٹم کوں نشابر طور ودھائے جئیں دے تحت مختلف شہراں اچ نویں روٹس تے میٹرو ماس ٹرانزٹ دے طرز تے فیڈر روٹس شروع کیتے ڳن، گرین لائن ٹرین شروع تھئ جیڑھی جو اڄوکے معاشی صورتحال اچ شہریاں کیتے تازہ ہوا دا جھونکا اے۔ وزیر اعظم شہباز شریف دے ماس ٹرانزٹ منصوبے، عوام کیتے معیاری سہولت اتے ایندھن دی بچت دا اہم ذریعہ ہن۔ پاکستان تحریک انصاف دے چار سالہ دور حکومت دے خاتمہ دے بعد گزریل سال اپریل اچ اپݨے پہلے ترقیاتی منصوبے دے طور وزیر اعظم شہباز شریف ولوں پشاور موڑ توں نیو اسلام آباد انٹرنیشنل ایئرپورٹ تئیں اسلام آباد میٹرو بس سروس دے افتتاح نال ملک اچ ترقی دا نواں پندھ شروع تھیے۔
اسلام آباد میٹرو بس سروس پراجیکٹ جیڑھا 2018 تئیں آپریشنل تھیوݨا ہئی بدقسمتی نال پی ٹی آئی دے دور اچ وݙے عرصے تئیں کھٹائی اچ پیا رہیا اتے وزیراعظم شہباز شریف ذمہ واریاں سنبھالݨ دے بعد صرف پنڄ ݙینھ اچ ایں منصوبے دا باقی کم پورا کر تے عوام کیتے چلا ݙتا۔ وزیر اعظم محمد شہباز شریف بطور وزیراعلی پنجاب اپݨے دور اچ لاہور، راولپنڈی اتے ملتان اچ ماس ٹرانزٹ منصوبے وی کامیابی نال شروع کیتے ہن۔ راولپنڈی۔اسلام آباد میٹروبس 83.6 کلومیٹر طویل بس سسٹم اے جیڑھا جاڑے شہراں وچال چلدا پئے۔ ہک سال اچ چار روٹس تے سروسز شروع کیتی ڳی اے اتے ریڈ، اورنج، بلیو اتے گرین لائنز تے سروسز دی شروعات تھئی اے، ماس ٹرانزٹ منصوبے اج عوام اچ ایں قدر مقبول ہن جئیں دا اندازہ مسافراں توں بھری بساں اتے بس اسٹینڈز تے مسافرآں دے سواری داانتظار کرݨ آلے شہراں دی وݙی تعداد توں لاتا ونڄ سڳدے۔ میٹروبس نیٹ ورک ریڈ لائن سروس اسلام آباد اچ پاک سیکرٹریٹ اتے راولپنڈی اچ صدر وچال 22.5 کلومیٹر تئیں دا روٹ اے۔ ایندا ݙوجھا روٹ اورنج لائن، پشاور موڑ انٹرچینج اتے اسلام آباد انٹرنیشنل ایئرپورٹ وچال 25.6 کلومیٹر دا اے۔ اے ماس ٹرانزٹ سسٹم ای ٹکٹنگ اتے ٹرانسپورٹیشن سسٹم دا حامل اے، ریڈ لائن دا انتظام پنجاب ماس ٹرانزٹ اتھارٹی کنے اے اتے باقی دا انتظام کیپٹل ڈویلپمنٹ اتھارٹی کریندا پے۔ مسافراں کوں ہر پنڄ منٹ بعد آوݨ آلی بساں اتے ہر 25 منٹ بعد شٹل تئیں سوکھی رسائی نال اے سہولت میسر ہن اتے وزیر اعظم دی ہدایت تے موٹر وے تے میٹرو بس سٹیشن دا عمل جاری اے۔
اپݨے وژن دے تحت وزیر اعظم شہباز شریف شہریاں کوں باوقار، سستی اتے ماحول دوست ٹرانسپورٹ سروس فراہم کرݨ کیتے ماس ٹرانزٹ سسٹم کوں”ترقی دا زینہ” قرار ݙتے۔ انہاں وفاقی دارالحکومت اچ ماس ٹرانزٹ بس سروس دے چاریں منصوبیاں کوں آپسی جوڑیا ڳے جئیں نال شہری ایں معیاری سروس دے ذریعے کہیں وی روٹ تے سفر کر سڳدن۔ میٹرو بس سروس وڈی حد تئیں عام آدمی، خاص طور طلبا اتے روٹس تے چلݨ آلے کارکناں کوں سہولت ݙیندی پی اے۔ ایں سال جنوری اچ اسلام آباد اتے کراچی وچال گرین لائن ٹرین سروس وی شہباز شریف دی قیادت اچ ہک ٻی عوامی خدمت اے۔
چین توں درآمد کیتی ڳی کوچز دی اے ٹرین راولپنڈی، چکلالہ، لاہور، خانیوال، بہاولپور، روہڑی، حیدرآباد اتے ڈرگ روڈ، کراچی دے اسٹیشناں تے رکدی اے۔ ملک اچ وݙے پیمانے تے آ ونڄ دے نظام توں امید کیتی ویندی جو او ترقی پذیر کمیونٹیز کوں سہولت ݙیسی اتے ملازمتاں پیدا تھیسن۔ سڑکاں تے ٹریفک دا رش ڳھٹ تھیسی اتے ماحول صاف ستھرا رہسی۔ ایندے علاوہ، عوامی نقل و حمل اچ سرمایہ کاری مقامی اتے قومی معیشت ݙوہیں ودھسن۔
