اسلام آباد ۔ 23 مئی (اے پی پی) اجوکے سال امب دی ملکی برآمدات وچ60 ملین ڈالردی آمدن دی توقع ہے اتے امب دے جاری سیزن دے دوران امب دی ملکی برآمدات دا حجم ہک لکھ ٹن تئیں ودھنڑ دی امید ہے جڈانجو گزریل سال دے دوران 72 ہزار ٹن امب برآمد کیتا گیا ہا۔ امب برآمد کرنڑ آلے معروف برآمد کنندہ عبدالوحید آکھیاجو گزریل سال عالمی منڈیاں وچ امب دی قیمت 450 ڈالر فی ٹن ہائی جڈانجو اجوکے سال امب دی برآمدی قیمت 550 توں600 ڈالر فی ٹن تئیں ودھنڑ دی امید ہے جیندے نال برآمد کنندگان کوں تقریبا ہک توں 150 سو ڈالر فی ٹن ودھ قیمت وصول تھیسی۔ انہاں آکھیا جو جاری سال امب دیاں برآمدات نال 75 ملین ڈالر توں ودھ دا زر مبادلہ ملنڑ دی امید ہے۔
