اسلام آباد۔22اپریل(اے پی پی) سپیکر قومی اسمبلی راجہ پرویز اشرف ترکیہ اچ وسݨ آلے سارے بھیݨ بھراوں کوں عید دی مبارخ ݙیندے ہوئیں آکھیے دعا ہے جو ایں مبارک موقع تے اللہ تعالی ساݙی عبادات کوں قبول کرن تے آپݨی رحمتاں دا نزول فرما تے ݙوہیں ملکاں کوں درپیش مشکلات اچ کمی پیدا کرن۔ سپیکر قومی اسمبلی راجہ پرویز اشرف ہفتہ کوں ترکیہ دے سپیکر مصطفی سینتوپ کوں ٹیلی فون کیتے اتے انہاں کوں عیدالفطر دی مبارخ ݙتی ۔ سپیکر قومی اسمبلی آکھیے میں آپݨی تے سارے پاکستانیاں دی طرفوں تساکوں تے ترکیہ اچ وسݨ آلے سارے بھیݨ بھراوں کوں دلی عید مبارک پیش کرینداں ، دعا ہے جو ایں مبارک موقع تے اللہ تعالی ساݙٰی عبادات کوں قبول کرن تے آپݨی رحمتاں دا نزول فرما تے ݙوہیں ملکاں کوں پیش آندی مشکلات اچ کمی پیدا کرن۔
