ہیمبرگ ۔ 21 دسمبر (اے پی پی) عراقی ٹینڈر اچ چاول مل گھنڑ کیتے سب توں گھٹ بولی پاکستان ڈتی اے۔ ہیمبرگ اجناس دی عالمی منڈی دے وپاریان موجب اجناس دی ملھ خرید اتے وپار کیتے عراق دے سرکاری ادارے 30 ہزار ٹن چاول ملھ گھنڑ دا عالمی ٹینڈر جاری کیتاہا جیندے اچ سب توں گھٹ بولی پاکستان ولوں جمع کرائی گئی اے۔اے بولی 448 ڈالر فی ٹن سی اینڈ ایف فری آﺅٹ ہے۔عراق حالی ٹینڈر بندنئیں کیتا جیہڑا 25 دسمبرتئیں جاری راہسی۔عراق کوں تھائی لینڈ 451.40 ڈالر ،امریکا ولوں 671 ڈالر ٹن سی اینڈ ایف فری آﺅٹ دی بولی ملی اے۔ ایں ٹینڈر کیتے ویتنام اتے بھارت بولی نئیں ڈتی۔
