اسلام آباد۔28اپریل(اے پی پی) پاکستان دا بھارت دے غیر قانونی زیر تسلط جموں و کشمیر اچ انسانی حقوق دی سنگین پامالیاں تے تشویش دا اظہار دا اظہار کریندے ہوئیں آکھیے او علاقے اچ انسانی حقوق دی انہاں سنگین اتے منظم خلاف ورزیاں دے خلاف آواز چیندا رہ ویسی ۔ دفتر خارجہ دی ترجمان ممتاز زہرہ بلوچ جمعہ کوں پریس بریفنگ وچ آکھیے اساں اقوام متحدہ دی سلامتی کونسل دی قرارداداں دے مطابق جھیڑا جموں و کشمیر دے منصفانہ تے پرامن حل کیتے آپݨے کشمیری بھراویں تے بھیݨا دی سیاسی، سفارتی اتے اخلاقی حمایت جاری رکھیسوں ۔ ترجمان ایں ڳالھ تے افسوس دا اظہار کیتے جو بھارتی قابض حکام کشمیریاں کوں مسلسل چوتھے سال سری نگر دی تاریخی جامع مسجد اچ نماز عید دی اجتماعی شرکت توں روک ݙتے ، ایں توں پہلے قابض حکام رمضان دے مقدس مہینے اچ وی مذہبی آزادی تے پابندیاں لاتیاں ۔ انہاں آکھیے اساں بھارتی حکام تے زور ݙیندے جو او کشمیریاں تے لاتیاں ڳیاں پابندیاں کوں ختم کرن جیڑھے جو انہاں کوں آزادی نال آپݨے مذہب تے عمل کرݨ توں روکیندن ، ترجمان آکھیے گزریل ہفتے نام نہاد محاصرے تے تلاشی دی کارروائیاں وچ 40 لوکاں کوں گرفتار کیتا ڳئے جنہاں اچ تریمتاں دی شامل ہن ۔ انہاں آکھیے بھارتی حکام آزادی دے حامی ݙو کشہریاں سید شکیل یوسف اتے سید شاہد یوسف دی جائیداداں وی ضبط کر ڳھدن او ایں ویلھے غیر قانونی حراست وچ ہن ۔ ترجمان ایں ڳالھ دا اعادہ کیتے پاکستان مقبوضہ علاقہ اچ انسانی حقوق دی سنگین تے منظم خلاف ورزیاں دے خلاف آواز چیندا رہ ویسی تے او اقوام متحدہ دی سلامتی کونسل دی قرارداداں دے مطابق جھیڑا جموں و کشمیردے منصفانہ تے پرامن حل کیتے کشمیریاں دی سیاسی، سفارتی اتے اخلاقی حمایت جاری رکھیسی ۔
