اسلام آباد۔28اپریل(اے پی پی) وزیراعظم محمد شہباز شریف برطانیہ دے بادشاہ چارلس III تے ملکہ کنسورٹ کیمیلا دی تاجپوشی دی تقریب اچ شرکت کیتے مئی دے پہلے ہفتے برطانیہ دا دورہ کریسن ، وزیر اعظم 6 مئی کوں برطانوی شاہ دی تاجپوشی دی تقریب اچ شریک تھیسن ۔ دفتر خارجہ دی ترجمان ممتاز زہرہ بلوچ پریس بریفنگ اچ آکھیے وزیر اعظم 5 مئی کوں لندن اچ دولت مشترکہ دے رہنماواں کیتے منعقدہ تقریب وچ شرکت کریسن ۔ ترجمان آکھیے توقع ہے جو وزیر اعظم محمد شہباز شریف انہاں تقریبات اچ شریک رہنماواں نال ملاقاتاں وی کریسن ۔
