اسلام آباد۔30اپریل(اے پی پی)حکومت نینگراں کوں پی ٹی وی دے سوحݨے دور دا چس چواوݨ دا فیصلہ کریندے ہوئے ہک نویں ایپ متعارف کرائی اے جیندے نال پی ٹی وی دے پراݨے ڈرامے، ٹی وی شوز موبائل تے ݙیکھ سڳسن۔ وفاقی وزیر اطلاعات و نشریات مریم اورنگزیب “پی ٹی وی فلیکس” ایپ دا افتتاح کیتے۔ سیکرٹری اطلاعات اتے ایم ڈی پی ٹی وی سہیل علی خان، ڈائریکٹر نیوز اینڈ کرنٹ افیئر عون ساہی وی موجود ہن۔ وفاقی وزیراطلاعات مریم اورنگزیب آکھیا جو اپیلیکیشن دا مقصد پی ٹی وی دے سنہری دور کوں جیندا کرݨ اے، ایپ اچ مختلف ڈرامیاں اتے پروگراماں دا آرکائیو ٻݨایا ڳعے جیندے اچ ڈرامے، ٹیلی فلمز، پی ٹی وی دے ایوارڈ شوز، موسیقی، مذہبی اتے تفریحی پروگرامز شامل ہوسن۔ افتتاحی تقریب اچ معروف گلوکاراں، فنکاراں اتے ہر شعبہ دے لوکاں شرکت کیتی۔
