اسلام آباد۔1مئی (اے پی پی) وزیراعظم محمد شہبازشریف دی بارشاں دی صورتحال تے وفاقی تے صوبائی اداریاں کوں الرٹ رہݨ اتے شہریاں دی مدد کیتے سارے وسائل لاوݨ دی ہدایت ݙیندیں ہوئیں آکھیا جو عوام دی جان تے مال دا تحفظ پہلی ترجیح اے ۔ سنوار کوں وزیراعظم آفس دے میڈیا ونگ توں جاری بیان موجب وزیراعظم نیشنل ڈیزاسٹر مینجمنٹ اتھارٹی اتے صوبائی ڈیزاسٹر مینجمنٹ اتھارٹیز کوں اے صورتحال دی نگرانی دی ہدایت کیتی اے۔ وزیراعظم ہدایت کیتی جو وفاقی ادارے اتے صوبائی حکومتاں اتے محکمے دی سانجھ نال کم کرن۔ جتھ جیڑھی شئے دی لوڑھ ہووے، عوام دے تحفظ اتے مدد کیتی ونڄے اتے جتھ لوڑھ پورے عوام کوں فوری محفوظ علاقیاں اچ پڄائی ونڄے۔ وزیراعظم نیشنل ہائی وے اتھارٹی اتے ٻے متعلقہ اداریاں کوں بین الصوبائی قومی شاہراہاں دی مانیٹرنگ دی ہدایت کیتی اے۔ وزیراعظم لسبیلہ اچ کوئٹہ کراچی شاہراہ، اتے بولان اچ کوئٹہ سبی شاہراہ تے ٹریفک دی روانی اتے عوام دی سہولت کیتے انتظامات یقنی ٻݨاوݨ دی ہدایت کیتی اے۔
