اسلام آباد۔3مئی (اے پی پی) وفاقی وزیر تجارت سیّد نوید قمر آکھیا جو پاکستان تحریک انصاف نال مذاکراتی عمل اچ حکمران اتحاد ٻہوں لچک ݙکھائی اے پر اے تاثر ݙتا ویندا پیا جو پی ٹی آئی مذاکراتی عمل اچ لچک ݙکھائی اے جڈانجو حکمران اتحاد ولوں سختی ورتی ڳی اے جیڑھی جو حقائق کائنی۔ تحریک انصاف بے شک عدالت اچ رپورٹ پیش کرے پر او حقائق تے مبنی ہووݨی چاہیدی اے۔ بدھ کوں قومی اسمبلی اچ ڳالھ مہاڑ کریندیں ہوئیں انہاں آکھیا جو آئین ٻݨاوݨ صرف اتے صرف ایں ایوان دا استحقاق اے، کوئی وی آئین اچ ہک لفظ دا ودھارا نی کر سڳدا۔ انہاں آکھیا جو پی پی پی سیاسی مسئلیاں دا حل ڳالھ مہاڑ نال حل کرݨ دی تجویز ݙتی کیونجو سیاستداناں کنے انہاں مسئلیاں دے حل کیتے لچک موجود ہوندی اے۔ اساں حکمران اتحاد اچ شامل جماعتاں کوں اعتماد اچ ڳھن تے مذاکراتی عمل شروع کیتے۔
