اسلام آباد۔5مئی(اے پی پی) وزیر خارجہ بلاول بھٹو زرداری بھارت دے شہر گوا اچ شنگھائی تعاون تنظیم (ایس سی او) دے وزراخارجہ کونسل دے اجلاس دے موقع تے تاجکستان دے وزیر خارجہ سراج الدین مخرالدین نال ملاقات کیتی ۔ دفتر خارجہ موجب ملاقات اچ سانجھی دلچسپی دے امور تے تفصیلی ڳالھ مہاڑ کیتی ڳئی ۔ ݙوہیں وزراخارجہ اقتصادی تعلقات کوں مزید مضبوط بݨاوݨ خاص طور تے کاسا 1000 سودھے رابطیں دے منصوبیں دی وختی تکمیل تے وی اتفاق کیتا۔
