اسلام آباد۔6مئی (اے پی پی) سپیکر قومی اسمبلی راجہ پرویز اشرف پاکستانی کرکٹ ٹیم کوں عالمی رینکنگ اچ پہلی پوزیشن گھنݨ تے مبارخ ݙیندیں ہوئیں آکھیا جو قومی کرکٹ ٹیم دے چیئرمین نجم سیٹھی سمیت پوری مینجمنٹ اتے سارے کھݙاری مبارکباد دے مستحق ہن۔ سپیکر میڈیا آفس توں جاری بیان موجب سپیکر آکھیا جو پاکستان کرکٹ ٹیم آئی سی سی رینکنگ اچ دنیا دی نمبر ون ٹیم ٻݨ تے پاکستان دا ناں روشن کیتے۔ سپیکر دی نوجوان کرکٹر بابر اعظم کوں تیز ترین 5000 رنز ٻݨاوݨ تے وی مبارخ فتی۔
