ملتان۔8مئی(اے پی پی):معروف شاعر،کالم نگاراتے اے پی پی اردوسروس ملتان دے انچارج رضی الدین رضی دی نویں کتاب”پیرسپاہی اتے ملتان دیاں ٻیاں کہانیاں “چھپ ڳئی اے ۔ رضی الدین رضی ایں کتاب اچ اپݨے بچپن اتے لڑکپن دےتہواراں اتے روایات دےحوالے نال مختلف کہانیاں کوں قلم بندکیتے۔اڄوکے سال اے رضی الدین رضی دی ݙوجھی اتے مجموعی طورتے 24ویں کتاب چھپی اے ۔مصنف موجب کتاب اچ انہاں دے لڑکپن دی کہانیاں دے نال نال ایں عہد دا ملتان وی موجوداے،ایں کتاب سودھے صرف ملتان دےحوالے نال رضی الدین رضی دی ہݨ تئیں 7کتاباں چھپ چکئن تے ملتان دی تہذیب تے ھک تحقیقی کتاب اشاعت دےمرحلے وچ اے۔
